ليه صفيحة زبالة؟
من مدة وزاة الصحة عملت حملة علي مستشفي خاص كان هيتعمل فيه عملية نقل كلية من شاب مصري لعجوز سعودي. أنا مش هتكلم عن سرقة اﻷعضاء وقانون نقل اﻷعضاء اللي معطلينه الإسلاميين لغاية النهاردة .. مش هتكلم عن الشاب المصري اللي رايح يبيع كليته ب 12 ألف جنيه .. مش هتكلم عن العجوز السعودي اللي عنده 75 سنة اللي جاي يشتري كلية ب 60 ألف دولار .. مش هتكلم عن دكتور الجامعة صاحب المستشفي اللي بيعمل العمليات دي .. مش هتكلم عن المستشفي اللي لا تصلح لإجراء عملية لوز مش نقل كلية .. مش هتكلم عن الصحة واللي بيحصل فيها .. مش هتكلم عن أي حاجة من الحاجات دي .. أنا بس عايز أسأل سؤال: كام دولة تانية ف العالم ينفع يحصل فيها اللي حصل دا؟ مع العلم إنه لسه بيحصل وهيفضل يحصل .. عرفتوا بقي إحنا ليه صفيحة زبالة العالم؟
11 comments:
عارف لية لآن الانسان المصرى ملوش قيمة
عند نفسة أولا , وثانيا ملوش قيمة عند أخوة المصرى, وثالثا ملوش قيمة عند حكومتة,ورابعا ملوش قيمة عند أى حد فى العالم.
وهقولك حاجة بس متقولش أنها نظرية المؤامرة, كل الحكومات الصديقة ولا العدوة حريصة جدا أننا نبقى كدة
لأن مصر لو فاقت زى أى بلد فى العالم هتبقى خطر على مصالحهم.
المشكلة أن فى ناس كتير فى مصر ربطوا نفسهم بمصالح الدول دى والمهم عندهم مصالحهم الذاتية ومش مهم مصر ومصالح مصر...... لو عندك كلام تانى نورنا بية
فالعلم لايكيل بالذنجان فى مصر بل العلم والمبادىء يكيل بزكيبة الدولارات
يعنى جات على دى
دا انتا طيب قوى
mohamed
الدنيا كلها مصالح
وكا واحد بيدور علي مصلحته .. ما عادا إحنا
لا عارفين فين مصلحتنا ولا حتي بنحاول ندور عليها
إحنا اللي مش عايزين يبقي لينا قيمة
اللي بيعمل قيمة ف العالم دا دلوقتي هو العلم
العمل وبس .. مش أي حاجة تاني
منورني دايما
************************************
أدم المهدي
ما هي دي مش شوية
لو ركزت ف الحكاية وقسمتها هتلاقي الموضوع كبير
فكر ف اﻷسباب اللي خلت كل حد مشارك ف الحكاية دي يعمل اللي عمله دا؟ وكمان فكر ف النتايج
هتلاقي إن دا مثلا لطيف جدا هيوضح إن كل حاجة بايظة وإننا فعلا صفيحة زبالة
نورتني
بص يابيشو الحال هنا بقه لا يسر عدو و لا حبيب
المصيبه مش بس في المستشفيات الحكوميه دي امتدت للمستشفيات الخاصه اللي بفلوس متلتله كمان
يعني المستشفيات الجكوميه بيقولولك مستواها مش اد كده عشان الدكاتره اللي فيها مرتباتهم بسيطه طب و الخاصه؟
سمعت عن اللي عملوها في ابن ايهاب توفيق؟دخل مستشفي النزهه الدولي و اتنقل للطفل اللي لسه مولود ميكروب في المعده و اضطر نظرا لاهمال المستشفي انه ينقله علي نفقته الخاصه لمستشفي تاني و الاولانيه بدأت تهاجموا و تقول انه مادفعش الفلوس
مش تهتموا بالطفل و انكم تنقذوه الأول؟للاسف ملائكه الرحمه كل همهم دلوقتي يلموا فلوس و خلاص
تحياتي علي الموضوع الهام يابيشو
وسط ما العالم ماشي بيغني لقدام ولفوق تلاقي ناس راجعة بعنف للماضي مسحوبة بحنين للتخلف. ناس بتغني عظيمة يامصر يا أرض النقم، ياخاينة الحضارة يامرعى الغنم. نيلك معكر ، جوك معفر، بدرك مكدر ليل الأمم. عظيمة يا مصر يا عقلك بجم
انا حزين
أجندا حمرا
الصحة واللي بيحصل فيها هو نتيجة طبيعية لحالة الضياع والفوضي اللي إحنا عايشينا علي كل المستويات
منوراني دايما
***************************************
the innocent
شكرا علي اﻷغنية
أنا كمان حزين
نورتني
لا احنا مش صفيحة زبالة زي مانت بتقول علشان صفيحة الزبالة لية دور لكن احنا حاجة ملناش اي دو وعارف كمان الحكمومة بضحكتة المودبة الوقحة هتقول دة حاجة بتحصل كل يوم يبقي احنا نستهل اني نبقي حاجة زبالة بس
من غير صفيحة حاجة كدة ملهاش اي
لازمة
يا بيشو
احنا صفيحة زبالة لاسباب كتيرة اوي
يا ريتها كانت جت على بيع الكلية او غيره
مؤكد انت سمعت عن مصيبة المستشفى الحكومي اللي الاطفال فيه ماتوا لما الكهربا قطعت
طيب و ليه نروح لبعيد
انا والدتي من سنتنين تعبت جدا و اضطرينا نوديها مستشفى و كان خاص والله مش حكومي
عشان قلنا يعني تبقى الخدمة على احسن مستوى ممكن
اولا فوجنا بعربية الاسعاف عبارة عن ايه؟؟
ميكروباس بكراسي
والله العظيم ميكروباص بكراسي و كمان مافيهوش حزام امان و هي اصلا مش قادرة توعى على نفسها
و كمان باب الميكروباص كان بيفتح لوحدة و تقريبا كانت حتطير منه
و بعد ما وصلنا للمستفى باعجوبة ودوها لمستشفى تاني و رقعنا مشوار و كل ده و هي حالتها خط رو مش بتتنفس و مكنش عندهم اي سلندرات اكسجين في العربية
تخيل؟؟
و بلاوي الا الان بقول انها مش معقولة تكون حصلت
مع انها حصلت قدامي
و لما اشتكينا قالولنا انتوا تحمدوا ربنا
فانا م شعارفة الناس اللي عنجها بلاوي اكتر من كده بتعمل ايه
و غير القطاع الصحي
بص على اي قطاع خدماتي ف يالبلد تلاقي كله بايظ و خربان و الفساد مستشري فيه
حنقول ايه بس
حنقول ايه
احنا بقينا في مستوى احط من الزبالة
تحياتي مع انك عكرتلي يومي
:D
guevara
وجهة نظر تحترم
فعلا صفيحة الزبالة ليها لزمة
نورتني
*******************************
hafssa
أسف إني عكرتلك يومك
بس صدقيني كان كدا كدا هيتعكر
عشان لو بصيتي علي أي حاجة ف البلد لازم يومك يتعكر ودمك يتحرق
وعلي فكرة .. عشان نعرف إحنا ليه صفيحة زبالة ممكن نمسك أي حاجة موجودة ونحللها .. أنا هنا جبت المثال دا بتاع الكلية .. يعني دا مجرد حاجة واحدة
منوراني دايما
جوع ، جهل ، حرمان
اكيد النتيجة شعب متخلف يتمتع بقدر لا بأس به من اللامبالاة وعدم القدرة علي التمييز
mondahesh
وفقر ومرض وحاجات تانية كتير ف صفيحة الزبالة
نورتني
Post a Comment