Tuesday, 1 July 2008

السما

وأنا صغير كنت بقف كتير بالليل وأبص للسما
ساعات كتير كانت بتعدي وأنا واقف وباصص لفوق
ياما فكرت وياما تأملت وياما إتبسطت وأنا باصصلها
السما جميلة و سر جمالها ف النجوم
السما مش زي ما بتشوفوها هنا ف القاهرة
هنا لما ببصلها مش بشوف غير سواد كئيب
إنتوا هنا مضحوك عليكوا لإن السما أحلي من كدا بكتير
عمري ما هنسي منظرها وأنا واقف فوق جبل كاترين
السما مفروشة بالنجوم ... منورة وملعلطة
حسيت إن النجوم حوالي مش فوقي
حسيت إني ف السما مش تحتها
أخرجوا برة القاهرة وبصوا للسما
هتشوفوها جميلة

11 comments:

اجندا حمرا said...

فعلا من كتر السواد اللي بنشوفه في سماء القاهره متهيئلنا ان كل مصر كده
الواحد نفسه في كوخ يابيشو و بيطل علي البحر و يعيش فيه بقيه حياته بس المهم تكون المرافق و الخدمات واصلاله عشان ماحسش اني اتنفيت
:)
سلامي و تحياتي ياجميل

نعكشة said...

أي منطقة غير القاهرة السما فيها جميلة

روحت السويس و بني سويف و الفيوم و الاقصر السما فيهم روعة

بس اروع واحدة كاننت السويس
انا فامراها كانت متتوصفش اصلا

عندي أحساس انها هتبقي اروع لو من فوق جبل

إن شاء الله اروح في مرة


دمت سالم

سلامون عليك

نعكشة said...

أي منطقة غير القاهرة السما فيها جميلة

روحت السويس و بني سويف و الفيوم و الاقصر السما فيهم روعة

بس اروع واحدة كاننت السويس
انا فامراها كانت متتوصفش اصلا

عندي أحساس انها هتبقي اروع لو من فوق جبل

إن شاء الله اروح في مرة


دمت سالم

سلامون عليك

زهرة الياسمين said...

سبحان الله
فعلا منقدرش نقول غير سبحان الله على بديع صنعه فى كل شىء

micheal said...

السحابة السودا يا عم بيشو
:)
أنت ناسي ولا إيه؟
:)

The Innocent said...

بتفكرني بدعوة الخروج للصحرا في فيلم النوم في العسل.
لا لالا حاجة كمان:
بومبا: تيمون، عمركش فكرت الحاجات الملعلطة اللي فوق دي تطلع ايه؟
تيمون: بومبا انا ما بفكرش انا عارف، دي دبان، دبان منور على السجادة اللي فوق دي.
بومبا: يااااااه دا انا كنت فاكرها كور غازات مولعة على بعد ملايين الكيلو مترات.
تيمون: بومبا انت كل حاجة في حياتك غازات.

تحياتي

بيسوو said...

:)
السماء في اسوان احلى سما في العالم..النجوم ملعلطة قوي..حلوة ملعلطة دي على فكرة..معبرة

في اسوان كل حاجة صافية حتى السماء..حتى الناس :)
مش بقيت ابص على السماء الا في اسوان

أنا حر said...

يا عزيزي القاهرة بلا سماء
فقد اختفت سماء القاهرة بعدما اقتحمها السواد الشديد
تحياتي

The Alien said...
This comment has been removed by the author.
سمراء said...

البساط الأزرق السحر الذي تملاؤة فصوص الماس يستحق أن يشاهده الناس
وفي القاهرة لا يمكننا سوي رؤية بلكونات الشقق المقابلة
او علب كبيريتية اسمنتية
اعتقد اني محظوظة حيث اسكن منطقة خالية من المساكن في مواجهة شرفتي ولذا اري ذلك البساط
هذا حتي الان وحتي اشعار اخر
سمراء

المحرر الصحفي والشاعر : عمــاد الدين يوســـف said...

طبعاً السما بدون دخان وسحابه سوده وانبعاثات كيماويه وعوادم السيارات ومخلفات المصانع الغازيه وحتى من نفس سيجاره اكيـــــــــــد احلى
طيب نروح فين عشان نلاقي سما بالماصفات ديه ؟
اعتقد على المريخ لسه السما صافيه .
وسلملي على الترام