Friday, 11 July 2008

باده للماوس

واقف ينادي ويقول ... باده للماوس
قدامه فرشه وقاعد في حته زحمه
بيعدي عليه ييجي ميت واحد وواحده
لما يلاقي قدامه شويه
تلاقيه وقف وشاور علي الفرشه وقال ... باده للماوس
أصل كل حاجة دلوقتي كمبيوتر
هو ده المجال الجديد لأكل العيش
فقرر يقتحم المجال بقوة
فرش الفرشه ووقف يقول ... باده للماوس

4 comments:

مُزمُز said...

لقطة جامدة اوي
اسلوب شعري في حكيك وفيه غنائيةبسيطة جميلة

كل حاجة كمبيوتر
وانا مش شايف دي حاجة وحشة طبعا

:))

safa7_karmooz said...

وماله...

متشفلى معاك ماوس كده ^_^

Heart Beat said...

هايعمل ايه امام الظروف اللي بتحطم ارادة الشجعان

اي لقمة عيش مادامت حلال

ان شاء الله يقف في حر الشمس و برد الشتا و ممكن مايبعش غير اتنين و لا تلاتة في اليوم كله

احرتم و اشجع كل من يبحث عن لقمة عيشه بكل السبل الممكنة

اشكرك على نقل الصورة بالشكل الجميل ده
ربنا يوفق الجميع

The Innocent said...

انا مش هاتكلم، بس الناس اللي بتيجي عندك بتعلق بجد يا ولا، مصيرهم يتوبوا
تلزمكش رامة ولا بروسيسور؟