Monday, 28 July 2008

يوسف شاهين مات وأنا بكيت

وأنا بتفرج علي أخر أفلامه "هي فوضي" بكيت .. لقيت دموعي نازلة لما لقيت يوسف شاهين بيراهن علي القضاء .. لما لقيته بيقول إن دول ممكن يكونوا أخر أمل لينا. محدش كان عارف أنا بكيت ليه .. أنا بكيت لإني مكنتش قادر أصدق .. مقدرتش أشوف اللي هو بيقوله .. ليه القضاء يكون فيه أمل؟ كل حاجة بايظة يبقي ليه القضاء يكون فيه أمل؟
يوسف شاهين راهن علي بقايا المثقفين والمناضلين الي ممكن يقودا الشعب .. يوسف راهن علي القضاء اللي ممكن يكون القوة الوحيدة اللي هتساند الناس .. بس أنا معرفتش أسقف مع الناس ف أخر الفيلم .. أنا بكيت عشان كان نفسي أشوف اﻷمل دا وأراهن عليه لكن مقدرتش.
مفيش عدل ياجو .. مفيش أمل ياجو

9 comments:

The Innocent said...

زعلان ليه؟ دا لسه القضاء رافع راسنا ومفرحنا.
مطلوب يكون معندناش دم

human said...

رغم كبر سنةالا ان موتة كان مفاجأة بالنسبة لى

micheal said...

وأنا كمان جزين لموت عبقرية نادرة كنا في أمس الحاجة ليها
الله يرحمه
تحياتي

بيسوو said...

المفروض اننا نعيش في صمت..وقلبنا ينكسر في صمت ويا حبذا لو متنا في صمت برضو

قلب يحترق said...

القضاء

كان عادل

ودلوقتي

عادل بردو

بس لصالح الكبار بس

انما الشعب

ملوش غير نفسي يا يفوق ........ يا
أظن الموضوع مش محتاج أكمل

أنا ذهأت و تعبت

والظلم لما يبقي عيني عينك بيبقي قاتل

حتي لو مكنش للواحد ناقة ولا جمل في الموضوع

بس بجد كانت صدمة ليا موضوع العبارة ده

مع انها كانت متوقعة جدا

بس بردو اتصدمت

على باب الله said...

for the poor , justice is only a word they can find in the dectionary

مثلية فقط said...

يوسف شاهين ترك الدنيا و هي في أسوء حالاتها
أشيا قليلة كثير ممكن نقول أنو فيها أمل

R.O.U.R.O.U. said...

7atez3al 3la 2h wla 2h
ma 5alas

سمراء said...

جو كان بيقول رسالة ان اللي ممكن يحمي مصر من الانهيار هو العدل والعلم
ده ما فهمته من مشهد بهية وهي تستقبل بنتها بعد اغتصابها

اعتقد انه مكنش بيقول دة امل بدليل ان القاضي كان مرتبط بالسلطة

اعتقد انه كان بيقول ان الحل هو استقلال القضاء وتغيير التعليم

سنفتقده كثيرا
ويبقي يسري نصر الله الامل

تحياتي
سمراء