Friday 23 February 2007

سجنوه

رغم إني كنت عارف وشبه متأكد إن ده هيحصل ... بس برضه لما عرفت خبر الحكم علي كريم جالي إحساس ...
هو ف الحقيقة كوكتيل أحاسيس ... حزن ، يأس ، خوف وشوية ضحك
حزن علي شاب بمجرد إنه بدأيفكر إصطدم بمجتمع لايقبل أي فكر مختلف ... ونتيجة الصدام كانت جريمة في حقه
يأس من إن البلد دي ممكن حالها يتعدل في يوم من الأيام
خوف مش عارقله سبب واضح بس مش قادر أنكر وجوده
ضحك علي كل الفرحانين بالحكم ومش واخدين بالهم إننا كلنا إتحكم علينا مع كريم

أدي الواد إتسجن ومحدش عرف يساعده ولا حد عرف يعمله أي حاجة
خدوا بقي النصيحة دي:
أي حد كتب حاجة كده ولا كده ... أي حد طلعت منه كلمة كده ولا كده ... بخلي باله ويحذر ... الموضوع خطير وأديكوا شفتوا الواد حصله إيه ... يعني كله يلم نفسه ويظبط مدوناته ... أو تقفلوا وتمشوا جنب الحيط أحسن ... صحتكوا بالدنيا ... قولوا حاضر وماشي وبلاش مناهدة

13 comments:

Anonymous said...

شيء غريب و الله
سب الله و سب الإسلام عادي و ليس فيه مشكلة
و لكن سب كريم أفندي عيب و لا يصح
إنتوا بتطلعوا منين ؟

hosnysoliman said...

الغريب الجميل قلت امسى عليك بعد هذا اللقاء الجميل سعدت بالتعرف اليك ولى عدوده لقراءة البلوج الخاص بيك على رواقه

مصر هى أمى said...

اليان

قولت ازورك واسلم عليك وعلش مش هاعلق على الموضوع ده احنا اتناقشنا فيه امبارح فى الاجتماع واحلى حاجة انى اتعرفت عليك ماشى يا جميل
على فكرة انت من المفكرين الكويسين اللى انا عرفتهم

مُزمُز said...

أنا أحبطت جدا

كتبت موضوع عندي عن كريم تعالى اقراه وقوللي رأيك

تحياتي

Unknown said...

صديقى العزيز و ريحه الحبايب

بجد انا مبسوط جداً بالصدفه دى يا اليان

و كانت من اجمل و اجمد الصدف الى حصليتلى و كمان مبسوووووووووووووووط جداً بيك و بشخصيتك الجميله و تفكيرك الى انا حسيت انه بجد سابق سنك

و اما بالنسبه لموضوع البوست فانا مش متعاطف مع كريم لانه معرفش يعبر عن ارائه بشكل حضارى و بدون سب لمقدسات الاسلام بس كنت متعاطف معاه لانى حسيت انه ضحيه لاحداث كتير حصلت له و لناس كتير لعبت بقضيته

يا ريت ابقى اشوفكك عندى
تحياتى يا صديقى العزيز و متنساش تسلملى على الكويت

micheal said...

بص يا أستاذ..أنا بصراحة زعلت أن كريم خد حكم بالرغم اني مش متفق معاة في كتاباتة لان ضد سب الاديان في المدونات بس اللي زعلني هوا أن حكم زي دة حيحد كتير من انتشار التدوين و مدي الحرية في الكتابة لان دة معناة أن كل واحد حيفكر مليون مرة في اي كلنة كاتبها قبل ما ينشرها مما يعني مزيدا من القيود علي الفكر..دة طبعا بالاضافة ان كريم لسة صغير و كدة مستقبلة تقريبا ضاع..علي العموم ربنا يستر علينا جميعا
سعدت جدا بلقائك امبارح لانك بجد شخصية لذيذة و حسيت أنك علي قدر كبير من الثقافة و الذكاء الاجتماعي
في انتظار اللقاء القادم
تحياتي لك

The Alien said...

طيف بدر
في البداية أنا مبسوط إنك متمسك بدينك وبتدافع عنه
وأنا عايز أوضح حاجة
كريم إتسجن ﻷسباب كلنا عارفينها
أنا ضد إزدراء اﻷديان بأي شكل من اﻷشكال
بس كمان أنا ضد الظلم وتقييد الحريات
والدفاع عن كريم وغيره في البلد مش جريمة ولا حاجة غريبة تخليك مستغرب
أنا النهاردة بدافع عن كريم وبكرة هدافع عنك لما تكتب كلام وتعبر عن رأي مختلف وتتسجن

تحياتي

The Alien said...

مصر هي أمي

شكرا علي الزيارة
أنا بجد مبسوط إني إتعرفت عليك وأعتقد إني كسبت صديق جديد
إنتمائك وحبك للبلد إداني أمل كبير
تحياتي

The Alien said...

مايكل
مبسوط إني قابلتك وشكرا علي الزيارة اللي أتمني إنها تتكرر

أنا معاك إن الحكم ده هيأثر علي التدوين
وهيخلي كل واحد وواحدة يفكروا قبل ما يكتبوا
والسؤال هيكون:
ياتري اللي أنا كاتبه ده يدخل السجن ولا ؟
وهي دي الكارثة
عشان كده كلنا لازم نرفض الحكم وندافع عن حريتنا في التعبير والنقد لأي حاجة بتأثر ف حياتنا وليها علاقة بينا وبمجتمعنا

علي فكرة أنا بحسدك عشان إنت ساكن في وسط البلد
أتمنالك التوفيق وأشوفك قريب
تحياتي

koukawy said...

عنوان البوست فكرني ببيت شعر لصلاح عبد الصبور في مسرحية الحلاج بتقول 00
سجنوه اذ هو اضعف من ان يفلت من عسف القانون ؛ ام شرير سلطت الأيام عليه شرير 00

The Alien said...

kouaway

شكرا علي الزيارة
وعلي بيت الشعر اللي ف محله
أتمني أشوفك تاني

الدبور said...

مساء الخير واجب برضو نزور الراجل اللي كان منور القعده
ازيك يا بيشو انا قلت بس امسي

تحياتي
الدبور

Anonymous said...

ا ح ه تبقى احه لك انت وامثالك ماهى ناقصه كمان...........