بشري
بشري لجميع المرضي
اللصقة اليابانية الذهبية السحرية
المزيلة للسموم والمزيلة للآلام
اللصقة اليابانية الذهبية السحرية
المزيلة للسموم والمزيلة للآلام
الكلام دا كان مكتوب ف إعلان ملزوق ف عربية مترو ... وطبعا بعد الكلمتين دول مكتوب لسته فيها جميع الأمراض اللي ممكن تخطر علي بال إنسان ... إبتداء من الصداع ونهاية بالفشل الكلوي وتليف الكبد ... وف الأخر عروض وخصومات للي يشتري كميات كبيرة
أنا أكتر حاجة غاظتني ف الموضوع دا إني مقدرتش أقطع الإعلان ... فضلت أشيل فيه وأحاول أطلعه بس ولاد الذين دول لازقينه جامد جدا لدرجة إني فقدت الأمل إنه يتحرك من مكانه وإني أنجح ف إني أشيله
خلاص ... العلاج عندنا بقي باللصقة السحرية اليابانية البعبلية ... طب هما شوية حرامية كل اللي هاممهم يلموا فلوس ومش فارقة معاهم حاجة ... المشكلة ف الناس اللي بتصدق الكلام دا وبتشتري ... أنا عارف إن المرض وحش والمريض بيبقي زي الغريق اللي عاوز يتشعلق ف قشاية ... بس دي مش قشاية ... دي مصيبة ... المفروض يبقي فيه شوية وعي والفاهم يفهم الغلبان اللي فهمه علي قده وياريت لما نشوف إعلانات زي دي نقطعها.
28 comments:
بيشوى
انا معاك طبعا وحاولت مرة اتصل باحدى القنوات الفضائية علشان اعترض على اعلان كان منشور عندهم برده على منتج بيعالج كل الامراض اللى ممكن تخطر على بالك
عارف فوجئت ان المنتج ده واخد ترخيص من وزارة الصحة وعرفت بعد كده ان اغلبية المنتجات ديه واخد ترخيص طبعا كله بالرشوة والواسطة واما متخفش من العلاج المتخلف ده يقولولك واحنا مالنا
ديه طرق نصب جديدة علشان ياخدوا فلوس الناس
ال يعنى الناس معاها فلوس
بس جامدة جدا انك حاولت تشيل الاعلان اللى كان فى القطر
الإعلانات دي ملت القنوات الفضائيه ... يعني حتي لو إنت شيلته من عربية المترو... فيه غيرها كتير و بيوصل للناس في بيوتهم... الدجل وبيع الوهم للناس بقي عيني عينك في كل مكان ... المشكله في وعي الناس ... انا أعرف مهندس ومراته جامعيه تأخروا في الإنجاب ... تخيل إنهم لجأوا للأعشاب بتاعة الإنجاب اللي بييجي عنها إعلان .... الناس اليأس أحيانا بيوصلهم للمشي وراء الخرافات والأوهام ... سلامي ليك يا بيشو
الناس تحتاج لوعي
مصر هي أمي
أنا مش راضي أجيب سيرة وزارة الصحة عشان ملبخش
أصلي لو فتحت ف الكلام عنها مش هسكت
أما الفضائيات فكل اللي يهمها فلوس الإعلانات
دي طريقة نصب وسرقة وقتل
والمشكلة إنهم بيستهدفوا المريض الغلبان اللي مش لاقي علاج ومش عارف يعمل إيه
فبيضطر يمشي ورا الكدب دا لغاية ما يموت خالص
أي خدمة يا باشا
أنا لما بشوف إعلانات من دي ف المترو بقطع علي طول
والناس بتبقي واقفة مستغربة
وشوية بيبقي نفسهم يساعدوا بس بيتكسفوا
**********************************
reri
المريض مستعد يمشي ورا أي حاجة
لدرجة إنها بتوصل للدجل وهو عارف إنه بيتنصب عليه
بس بجد حرام نقف ونتفرج علي المهزلة دي
أنا دمي بيتحرق
***********************************
مكتبة نيرفانا
مفيش وعي
واللي واعي مش بيوعي اللي مش واعي
هي دي المشكلة
منوراني وعلي فكرة
حلوة فكرة المكتبة
ماهو اذا كانو بيلاقو العبيط اللي بيشتري
يبقي حقهم
وانصب ياعم الحاج
الجهل والفقر وحشين اوى والناس عندنا حتى لوكانوا حاصلين على شهادات ده مايمنعش انهم يتمتعون بجهل عظيم لان معظمهم بيتعلموا علشان الشهاده وكمان التعليم بتاعنا كله كلام فاضى اول ماتخلص دراسه تنسى انت كنت بتذاكر ايه ..والنصابين برضه غلابه بيقلبوا عيشهم
قلبك ابيض يا بيشوى
احنا بقينا ساسجين للدرجة دي
؟؟
عمر
العبيط اللي بيشتري دا مريض
أو علي اﻷقل مش فاهم
لكن لو كان مثلا دكتور ف الجامعة
يبقي يستاهل
وانصب ياعم الحاج
********************************
سهر الليالي
المشكلة إن المرض دايما
بييجي مع الفقر والجهل
وإحنا ماشاء الله
الثلاثي دا بيغطي كل حته ف مصر
********************************
شادي فايد
دا إحنا بقينا ساسجين
ومتخلفين
ومفلسين
وعيانين
حاجه تجنن ازاي يعني كده
يالا ياما هنشوف في عربيه المترو حاجات كتييير بس انا مش بركبها كتييير فعشان كده مش بشوف
احيانا الاعلانات تاتي باثر سلبي لانة بتاخد فترة اكبر من اللازم في عرضها بتمني الناس تكرة الاعلانات دي لانة دليل قاطع علي تخلفنا
الحكايه ببساطه أن الاخوه اليابانيين وصل لهم أن مصر مالها ملوش صاحب و اللي عاوز يغرف من الكنز يغرف و يتكل علي الله فقالوا طب ما نغرفلنا حبتين و عمار يا مصر و سلملي علي شركه شينيل الصينيه اللي عملتتلها كام مليون في 5 أشهر
تحياتي لك
مع الأسف جهل و تخلف و سذاجة و مفيش وعيوالمصيبة ان الاعلانات وصلت للفضائيات مش مجرد لزق في عربية مترو
يعني غزو من كل ناحية مع الأسف بس أنا بحيي الدكتور خالد منتصر اللي بدأ حملته ضد الجهل والتخلف ده و أثبت للناس ان الكلام ده مجرد لعب بالمشاعر لأنك زي ما قلت المريض بيتعلق بقشاية
أتمني ان الناس تفوق و تصحي و نحارب الفساد ده اللي انتشر بصورة مش ممكن حد يتخيلها . جميل الموضوع يا بيشوي
تحياتي
انا زمان كنت ماتبه بوست عن الموضوع ده بعنوان ان كان اللي بيتكلم مجنون
فعلا ده حتي اعلانات التليفيزيون للرجيم و الضعف و المقويات و حاجه قرف
وشوشني
كويس إنك مش بتركبيه
أنا بقي بركب المترو كتير
وخلاص جالي عته مغولي
***********************************
guevara
الإعلانات مؤثرة جدا
وخصوصا إعلاناتنا إحنا
حاجة تفرح
***********************************
مايكل
أكيد سمعموا من الصين
وشوية وهيبلغوا الفلبين
وبعدها نلاقي الكوريين
وكله جاي يغرف حبتين
طب إحنا فين؟
dyin soul
جهل وتخلف ومرض بعيد عنك
إحنا وصلنا لمرحلة متأخرة جدا من المرض
وكويس إنه لسه فيه ناس بتعمل حملات وبتقاوم
*************************************
koukawy
محدش عارف مين العاقل ومين المجنون
كله متلخبط ف كله
وف الأخر ... الغلابة هما المطحونين
بس معزورين ... جهل وفقر ومرض
مش لازم نلوم الغلابة
الحق ع اللي ساب العالم دي تنهش فينا
بيشوي
ازيك اخبارك اية ؟
مش بس اللصقة اليابانية
دا عسل السدر الجبلي واعشاب الانجاب وخلطة معالجة الكبد وكوكتيل معالجة السرطان وسلطة معالجة الفلات فوت
بخلاف الطب البديل والطب النبوي
والمتاجرة بالدين والمتاجرة بجهل الناس وتعلق المريض زي ما قولت باى امل
عادي يعني مجتمع متخلف والاخرين بتنصب علية وهو فرحان وبيشتري واخر سعاده
تحياتي
Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª
الزعيمة
أنا مش وحش
بل أكاد أكون كويس
دا فيه ناس بتبقي عارفة إن الموضوع كله إشتغالة
ومع ذلك بيشترو
طب نعمل فيهم إيه؟
منوراني
*********************************
david santos
the language is not a problem, we can deal with that in many ways and i think you are doing great with that
we all fight for freedom, i am glad that we are all fighting the same war
علي فكره كل الكلام ده كذب في كذب
ومعظم العلاجات دي وهميه ، بل ومعظمها بيقضي علي الصحه او بمعني اصح أدويه شعبيه بتقتل الناس اللي بيتعالجوا بيها وكثيرا تكتشف وزارات الصحه في الدول اللي بتهتم بصحه شعوبها خطورة تلك الأدويه واللصقات ولكن بعد عده شكاوي من فشل كبدي أو كلوي وخلافه فتمنع تلك الأدويه من الدخول الي بلادها وتحذير الناس من خطورتها علي الصحه
ايوه اللصقه و الاسوره و لسه ياما هانشوف بس المشكله مش في دول اهم علي الاقل لا يضروا الالعن هي الاعشاب و كميه الاعلانات المهوله عليها وفي التليفزيون يعني اللي ماعرفش لازم يعرف و دي طبعا في منها لكل الامراض و الحمد لله
اشكرك جدا علي اهتمامك في موضوع وجيه عزيز و انا هادخل الموقع اللي قولتلي عليه و هااقوللك ايه الاخبار
تحياتي
تفتكر ياصاحبى كم واحد هيروح ويشترى ؟
احنا عندنا ازمة ثقافة وشلل فكرى
وكمان عدم الثقة فى الطب والدكاترة احدى اهم الاسباب اللى بتخلى الناس تروح وتصدق وتسلم نفسها لمجهول
تحياتى
انا اسف علي عدم التعليق مقدما ارجو التضامن معي لقياده حمله عدم سب المصريين
مكسوفة
كذب ونصب
وإحنا مش عايزين نكتشف
نكتشف ليه؟
مش نسيب الناس تسترزق
ولما يموت كام ألف ويفلس كام مليون
نبقي نكتشف وساعتها نبقي اﻷبطال اللي بيحافظوا علي صحة الشعب
نورتيني
***********************************
دوللي
أعشاب ولزقات وشربات
ولستة أمراض ملهاش نهاية
وكإن خلاص مش هيبقي فيه أمراض
يعني السرطان يضيع بحقنتين
والسكر يختفي بمعلقتين
والضغط يتظبط بشفطتين
وحاجة تجن العاقلين
وجيه فنان بجد
هيعجبك وهتطلبي مني كل شغله
أنا عارف ... منوراني دايما
***********************************
تامر
أنا كنت فاكر إن محدش بيشتري
لكن إكتشفت إن فيه ناس كتير بتشتري الحاجات دي
دا فيه ناس متعلمين ومثقفين بيتعاملوا معاها
ودا الغريب ف الموضوع
المريض بيجري ورا أي أمل
إن الحكومة مش فاضية تمنع الكلام دا
يبقي لازم نوعي الناس
شرفتني
************************************
فارس
أنا زرتك وسبتلك رأي
أتمني أشوفك عندي تاني
Ya Alien!!
Methaya2lee enak enta ma7tag ta3raf shoaya 3an eltab elbadeel,
fe sa3at nasb be7sal,
lakan dah mesh ma3nah en eltab elbadeel 7aga 3'alat zay ma feih nas hena bet2ol
bel3aks eltab elbadeel a7yanan kateer beba2lo natayg koyasa,
we momken nataygo tederes 3almayan.
yaret ya gama3a abl malnas kolaha teb2a dacatra we t7aded eih elsa7 we eih el3'alat, na2ra shoya, we nab7ath fel modo3
we fieh nas betakteeb ta3le2at we 7'alas, ta7es enohom bektobo bas 3ashan yaktobo,
we Alien ya3nee ta3ab nafso we berod 3ala ay 7ad bekteb
ar7am nafsak ya Alien, we nasa7tee matrodesh 3ala elnas elle betkalamo we bas
بسام
أنا مش بتكلم عن الطب البديل
بالعكس ... أنا عارف إنه مفيد
وأساسا كل الأدوية مستخرجة من أعشاب ومواد طبيعية
أنا بتكلم عن اللي بيحصل عندنا
الموضوع زاد جدا يا بسام
يعني تلاقي واحد طالع ف إعلان ماسكلك علبة
ويقول أنا كان عندي السكر ومكنتش بقدر أكل
وبعد ما إستخدمت ... بقيت باكل كل اللي نفسي فيه
الموضوع مش محتاج إني أكون دكتور عشان أفهم
محدش عاقل يصدق إن حتة لزقة تكون علاج لكل اﻷمراض الموجودة ف الدنيا
دا كله نصب ف نصب
موضوع التعليقات دا أنا إتكلمت فيه قبل كدا
وأنا شخصيا مش بعلق علي حاجة إلا لو عندي حاجة أقولها
أنا عازرك عشان عارفك مشغول اليومين دول
بس متغبش تاني
انت عارف
انت جيت على موضوع بيخنقنى جداااااااااااااااااااااااااا
انا باقرف من الاعلانات اللى بتتاجر بآلام الناس واحتياجاتها
وبتلعب على جهلها وبساطتها
فيه اعلان انا باكرهه جدا عن منتج بيساعد على الانجاب
انا لو طولت انى اقتل اللى عمل فكرته المهينه دى كنت عملتها
لأنه بيسبب الام للناس المحرومين
والمفروض ان كل ده بايد ربنا مش فى علبه بودره ملونه
وواضح جدا النصب البين والممثلين النص لبه اللى جايبينهم يقولوا كلمتين هما مش عارفين معناهم اصلا
لازم يعنى تفكرنى يابنى؟؟
حاول تسكتنى بقى
Beshoy
ana mesh batkalam 3aleek
ana batkaleem 3an ta3lekat ba3d elnas!!
وينكي
أنا أسف إني فكرتك بحاجة بتدايقك
بس أعمل إيه ... كل حاجة حوالينا بتدايقنا
ودي صورة واحدة من صور النصب والإستغلال
عايزاني اسكتك ليه
إتكلمي
***********************************
بسام
فاهم يابني
بس أنا بتكلم عني
وقال علي رأي المثل
إبدأ بنفسك
Post a Comment