مكان مليان
واقفة متوترة .. كل شوية تبص ف ساعتها .. شكلها مستنية حد .. ممكن تكون واحدة صاحبتها أو يكون واحد صاحبها .. أو ممكن تكون واقفة زيي بتتفرج ع الناس وعاملة إنها مستنية حد
********************************
عربية وقفت ونزل منها 3 شباب .. راحو ناحية 3 بنات .. إبتسامات وسلامات ودخلوا السينمات
********************************
قاعد مبتسم وقدامه صندوقه .. المكان كله شباب ودلوقتي محدش بيلبس جزم .. كله كوتشيات .. عشان كدا قاعد مش بيعمل حاجة ورغم كدا مبتسم
********************************
قاله أروح التحرير منين؟ .. قاله هتروح هناك تعمل إيه؟ .. قاله هقابل جماعة أصحابي .. قاله يبقي تركب أي حاجة بتقول تحرير
********************************
مستنيه بقالي أكتر من ساعة ومجاش .. بتقول أعمل إيه؟ .. حاضر .. هروح أستناه هناك
********************************
قالها ممنوع الركن هنا .. قالتلوا أنا بس مستنية واحدة وتلاقيها جاية حالا .. قالها تحت أمرك يامدام
********************************
يالا يابنتي هنتأخر .. لسه بدري .. طب أظبطيلي الطرحة
********************************
لحظة واحدة ياأستاذ .. عندنا هدايا وعروض حلوة جدا بمناسبة اﻷعياد .. قاله هكسب إيه؟ .. قاله مش هتخسر حاجة
********************************
الدنيافضيت والناس مشيت .. بصيت ف ساعتي .. ياه .. دا أنا إتأخرت أوي .. لما ألحق أروح مكان تاني يكون مليان
23 comments:
اول كومنت فى البوست
فعلا ذى ما بيقولو الدنيا تلاهى
تحياتى
Post of the day
:)
فعلا فعلا فعلا
تحفة تحفة تحفة
----------------------
سواء كانت دي مواقف حصلت حقيقة او انها نسج خيالك فهي رائعة فعلا
مشاهد حية تنبض بالحياة المصرية-
-----------------------
منهم الغلبانين و المنتظرين و الحشريين
---------------
روعة
:))
hehehe.. yeb2a enta akeed fi masr :)
i don't know what to say.. you zoomed in on random cases, very briefly, very swiftly.. but in fact you were zooming out to give us the big picture.
egypt has a population of 78,000,000 people.. yet, you rarely find a place that is truly occupied, engaged or busy.
teslam eldema3' ya agda3 alien
ana ro7t ma3ak begadd we sara7t kaman we kont wa2ef henaak basma3 m3ak :)
gameel enk kharragteny wana fi makany
تحياتى
SaSa
تلاهي وملاهي و ملاوي وكلاوي و.......... وكل اللي إنت عايزه
نورتني
**************************************
أحمد شقير
أنا مبسوط عشان عرفت إنك قريت كلامي
وكفاية علي متابعتك لمدونتي
شكرا ليك
**************************************
mermaid
دبوس بسرعة لو سمحتي
عشان كدا أنا هتنفخ وأنا بخاف ومش عايز أفرقع
مش هتفرق إذا كانت حقيقية ولا خيال
المهم إنها ف شوارعنا الزحمة المليانة الفاضية
مرسي ليكي جدا ولمتابعتك
نورتيني
fantasia
zooming out
هو دا ... دا المنظر من بعيد
مكان مليان
نورتيني
************************************
هنا الجنة
مبسوط جدا بزيارتك
وبإن الكلام عجبك
وأتمني أشوفك دايما
نورتني
حلوين قوي شوية ال
snap shots
أو الصور الفوتوغرافية اللي بالكلمات دول
--
أنا بتخيل دلوقتي ممكن تعمل أيه لو معاك كاميرا
: )
--
كل سنة و أنت طيب
--
تتنفخ ليه بس
دي الحقيقة
انا بحس ساعات ان انت ممكن تكون اديب
معرفش ليه
------------------------------
:))
جميل أوى اللحظات دى
مركزه
تقتطعها من حيز الزمان و المكان
التيمة الأساسية هيا اللقاء
رغم عدم تعاطفى الى حد ما مع العامية
فطرحك كان كويس تحياتى
Merry Christmas
and happy new year
أحيييك جدا علي هذا البوست...مواقف بسيطه و واقعيه جدا تحدث في حياتنا اليوميه
تحياتي
بوست مميز لأن فعلا واقعي و بيحصل
الدنيا فعلا بتلهي الناس كل واحد ملهي في حاله
لكن اللي حيفضل موجود علي طول الزحمه
يالا كل سنه و انت بخير و سنه جايه سعيده عليك يابيشوي
تحياتي ليك ياقمر
كل واحد في دنيييييييياه
لا تجبر الانسان و لا تخـــــــــيره
يكفيه ما فيه من عقل بيحيــــــره
اللي النهارده بيطلبه و يشتهــــيه
هو اللي بكره ح يشتهي يغيـــــره
عجبي
علي باب الله
أكيد الكاميرا هتقول أكتر
بتبسط بمتابعتك وتعليقاتك
منورني دايما
**************************************
mermaid
أديب مرة واحدة
ياريت .. أنا أتمني
شكرا علي كلامك الجميل
منوراني
Islam Yousef
شكرا علي مرورك
وبالنسبة للعامية ف أنا بفضلها
لإني بحس إنها الواقع
كل سنة وإنت طيب
**********************************
مايكل
مرسي ياباشا
كل سنة وإنت طيب
**********************************
أجندا حمرا
الزحمة هي الي لهيانا
الزحمة هي اللي مخليا المكان مليان .. مش حاجة تاني
وسنة سعيدة ليكي
منوراني دايما
Amr Ahmed
كل واحد في دنياه
بس كلنا ف دنيا واحده
منورني دايما
**********************************
semsem
شكرا علي التعليق
عمنا جاهين قال كل حاجة
أتمني أشوفك تاني
نورتيني
كويس أوي
كويس انك بتفتكر كل المشاهد الصغيرة دي وبتكتبها
مع انك زعلتني على الراجل بتاع الصندوق :(
تحياتي
يخرب بيت جنانك. بس حلوة
big code
أنا كمان زعلان عليه
وزعلان علي كتير زيه
منورني دايما
*****************************
innocent
كويس إنها عجبتك
بس هو فين الجنان دا ;)
منورني دايما
وممكن ماتكونش ولا احتمال من دول
*********************************
يمكن قرايب، او حتى مش .... تفرق ايه؟
*********************************
عنده امل فربنا يبعتله رزقه-زي مابعتهوله امبارح- على فكرة انا بالبس جزمة
*********************************
غريب بيسال حمار
********************************
اكيد هما فاهمين بيقولوا ايه.. احنا مالنا
********************************
حكومة متخلفة وبتاعة مظاهر عاوز عساكرها يبقوا ايه؟؟؟
********************************
طالما لسة بدري ..
*******************************
سؤال عملى واجابة صريحة
*********************************
ربنا معاك
Post a Comment